نصائح لتختارى ديكور حفل زفافك على زوقك

اختاري ديكور حفل زفافك على ذوقك

نصائح لتختارى ديكور حفل زفافك على زوقك Kamar_01

بصراحة كده ومن غير مقدمات طويلة
إحنا النهارده هنتكلم عن موضوع ديكورات حفل الزفاف...
طبعا أنت دلوقتي هتستغربي من الكلمة وتقولي إن الديكورات دي اللي بيصممها منسق الحفل أو المسؤول عن القاعة!!!

فعلا عندك حق بس يا قمر المفروض يكون عندك أنت كمان أفكار ومعلومات علشان لو هو نسي حاجة تقدري تفكريه وتقولي له عليها علشان ينفذها لك، وبكده تضمني إن تصميم ديكور حفل زفافك فعلا على ذوقك أنت
صح الكلام
أكيد طبعا صح
طيب
يلا نشوف مع بعض
العدد الجامد أوي ده

الكوشة

نصائح لتختارى ديكور حفل زفافك على زوقك Kamar_02

نصائح لتختارى ديكور حفل زفافك على زوقك Kamar_02

وعلشان ما تحتاريش في اختيار الكوشة هاقول لك دلوقتي على شوية نصائح تحطيها قدامك وأنت بتختاري كوشة زفافك...

النصيحة الأولى

حددي إمكانياتك
لازم في الأول قبل ما تختاري الكوشة تقعدي مع المسؤول عن القاعة أو المنسق، وتتكلمي معاه بصراحة عن إمكانياتك اللي أنت حطاها بالضبط، وعلى ضوء الإمكانيات تبدئي تختاري شكل الكوشة، واوعي تفكري علشان تعملي كوشة حلوة يبقى لازم تدفعي فلوس كتير، لأنك ببساطة ممكن تختاري كوشة بسيطة جدا وتكلفتها بسيطة جدا وتطلع شكلها أحلى من الكوشة اللي تمنها غالي، لأن جمال الكوشة بيكون في بساطتها.

النصيحة الثانية

شوفي حجم المكان وألوانه

فيه حاجتين مهمين أوي لازم تاخدي بالك منهم وأنت بتختاري الكوشة؛ أول حاجة هي حجم المكان اللي أنت هتعملي فيه الفرح، وده لأن لازم يكون فيه تناسب بين حجم الكوشة وحجم المكان، يعني مش معقول تعملي كوشة حجمها كبير جدا في مكان مساحته صغيرة، والعكس طبعا صحيح، مش معقول تعملي كوشة حجمها صغير جدا في مكان مساحته كبيرة جدا، لأن بالشكل ده الكوشة بتفقد جمالها...
ثاني حاجة لازم تاخدي بالك منها هي الألوان والديكورات الموجودة في مكان الحفل، وحاولي على قد ما تقدري إنه يكون فيه تناسق بين الألوان والديكورات الموجودة في القاعة وألوان وشكل الكوشة.

النصيحة الثالثة

شوفي أكتر من تصميم

حاولي قبل فرحك تشوفي أكتر من تصميم وأكتر من منظر للكوشة علشان تقدري تختاري الشكل المناسب ومن أشهر تصميمات الكوشة كوشة "التاج" اللي استخدمها الملك فاروق في حفل زفافه على الملكة فريدة، وانتشرت بعد كده كتير، وفي الشكل ده بتكون الكوشة واخدة شكل التاج...

نصائح لتختارى ديكور حفل زفافك على زوقك Kamar_03

نصائح لتختارى ديكور حفل زفافك على زوقك Kamar_03

"كوشة العواميد" وبتتميز بوجود عواميد كتير في الكوشة...

نصائح لتختارى ديكور حفل زفافك على زوقك Kamar_04

كوشة "الزهور الطبيعية" أو "الزهور الصناعية" وده الشكل اللي كل الناس عارفاه وبتحبه. وعلى فكرة الزهور سواء كانت طبيعية أو صناعية بتدي شكل حلو للكوشة...

ومن أشهر الزهور الطبيعية المستخدمة في الكوشة "الورد البلدي"،"القرنفل"،"الليليم"،"عصفور الجنة"،"الزنبق"و"الأوركيد".
نصائح لتختارى ديكور حفل زفافك على زوقك Kamar_05

نصائح لتختارى ديكور حفل زفافك على زوقك Kamar_05

وخدي بالك إنك لو هتختاري كوشة الزهور الطبيعية يبقى اختاري أنواع زهور تكون موجودة في وقت فرحك وماتختاريش أنواع مش موجودة أو نادرة لأن ده هيخلي ثمن الكوشة يكون أغلى...وعلى فكرة كوشة النباتات الصناعية بتكون أرخص بكتير من كوشة النباتات الطبيعية وبرضه شكلها بيكون شيك.

النصيحة الرابعة

راعي التنسيق في الأقمشة

حاولي تراعي التنسيق في خامات وألوان الأقمشة اللي هتستخدميها في الكوشة بحيث إنها تكون كلها من أقشمة واحدة.. ومن أجمل أنواع الأقمشة اللي يمكن استخدامها في تصميم الكوشة "الدانتيل"، "الأورجانزا"، "التول"، "الستان"، و"الحرير".

النصيحة الخامسة

حاولي تتأكدي من صلابة ديكور الكوشة

حاولي تتأكدي من إن ديكور الكوشة اللي أنت اخترتيه صلب وثابت وهيتيح لك حرية الحركة بسهولة، كمان حاولي تتأكدي من إن كل التوصيلات الكهربائية سواء كشافات أو ستائر نور متوصلة كويس وبشكل صح.... وخدي بالك إنك تخلي فيه مسافة كافية في الجزء الأمامي من الكوشة علشان لو حد من الضيوف حب يسلم عليك يلاقي مكان يقف عليه ويسلم من غير ما يعترض طريقه أي جزء من أجزاء الكوشة.
بالنسبة لكرسي الكوشة...فده إما يكون عبارة عن كنبة متنجدة تشبه كنبة الأنتريه، أو يكون كنبة فيرفورجيه، أو كرسيين منفصلين عن بعض.

كراسي المعازيم

نصائح لتختارى ديكور حفل زفافك على زوقك Kamar_06

نصائح لتختارى ديكور حفل زفافك على زوقك Kamar_06

فيه بعض القاعات بيكون فيها الكراسي عليها الغطاء فعلا، وفيه بعض القاعات التانية بيكون الغطاء ده مش موجود، أو موجود وأنت مش حابه لونه، وفي الحالة دي ممكن تطلبي من المسؤول عن القاعة إنه يغطي لك الكرسي بالغطاء اللي أنت عايزاه، والغطاء ده عادة بيكون لونه "أبيض" أو "أوف وايت" وعادة بيكون من قماش الستان بالإضافة إلى إن الغطاء ده بيكون عليه شريط عريض من"التول" أو "الستان" أو "الحرير" أو "الشيفون" وبيتربط على ظهر الكرسي أو أعلى الكرسي، أو من وسط الكرسي، وبيتعمل من الخلف على شكل توكة أو وردة...

وعلى فكرة الشريط ده أنت اللي بتختاريه بس خدي بالك إن لو كنت هتختاريه لحفلة زفاف يبقى لازم يكون الشريط ده إما فضي أو ذهبي أو نحاسي... لكن في حفلة الخطوبة بتلاقي إن قدامك ألوان متعددة تقدري تختاري بينها، بس بيني وبينك أحسن حاجة إنك تختاريه من نفس لون فستانك، يعني مثلا لو هتلبسي فستان خطوبة أحمر يبقى اختاري الشريط لونه أحمر، وممكن كمان تدلعي نفسك وتحطي وردة حمراء في ظهر كل كرسي.

وعلى فكرة ممكن تستخدمي الشريط ده لوحده من غير ما تستخدمي كسوة الكرسي، بس ده هيكون في حالة لو كانت القاعة فيها كراسي فيرفورجيه.
ودي أكتر من ربطة بأكتر من لون ممكن تختاري منهم واحدة وتطلبي من المسؤول عن القاعة ينفذها لك

نصائح لتختارى ديكور حفل زفافك على زوقك Kamar_08

ودى مجموعه من كراسى

http://http://www.boswtol.com/mastaba/pops_245/chairs.html

نصائح لتختارى ديكور حفل زفافك على زوقك Kamar_09

دي بقى حاجة مهمة جدا ولازم تاخدي بالك زي ما قلنا إن لون المفرش يكون مناسب للون الغطاء الموجود على الكرسي، وممكن كمان تحطي على ترابيزات الفرح دي شوية إكسسوارات تانية زي زهور طبيعية أو صناعية أو شمعدانات زجاج يتحط بداخلها شموع كبيرة، وطبعا لازم تاخدي بالك إن حجم الشمعدان والشمع يكون مناسب لحجم الترابيزة..

بالونات الفرح

نصائح لتختارى ديكور حفل زفافك على زوقك Kamar_011

نصائح لتختارى ديكور حفل زفافك على زوقك Kamar_011

من ضمن الحاجات اللي ممكن تعمليها علشان تخلي القاعة شكلها حلو هي إنك تتفقي مع المسؤول عن القاعة إنه يجيب لك مجموعة من البالونات ويحطها لك في أي مكان أنت تختاريه زي مثلا على ترابيزة التورتة، أو عند مدخل القاعة، أو في كل ركن من أركان القاعة يحط مجموعة من البالونات، أو بجوار الدانس فلور (المكان المخصص لرقص العروسة والعريس) بين ترابيزات المعازيم.

نصائح لتختارى ديكور حفل زفافك على زوقك Kamar_010

نصائح لتختارى ديكور حفل زفافك على زوقك Kamar_010

ديكور تورتة الزفاف
نصائح لتختارى ديكور حفل زفافك على زوقك Kamar_012

ودي حاجة فيه بنات كتير ماتعرفهاش وهي إنها المفروض تختار الشكل اللي هي عايزاه لتورتة الزفاف، وتطلب من المسؤول عن القاعة ينفذه، كمان المفروض إن العروسة هي اللي تختار شكل الإكسسوارات اللي بتتحط فوق التورتة، وعلى فكرة الإكسسوارات دي ممكن تتعمل من الحلوى أو تجيبها من درب البرابرة..

ودي مجموعة متنوعة من أشكال التورتة بالإضافة إلى بعض الإكسسوارات الخاصة بالتورتة علشان يساعدوكي في الاختيار

نصائح لتختارى ديكور حفل زفافك على زوقك Kamar_013

ودى برده مجموعه من التورت

» يوم زفافك لبنات ملاك الكون
» ديكور غرف البنات
» ديكور بألوان الصيف
» اروووووووووووووووووووع ديكور لفرف الملابس من فنوووون
» النجف فى منزلك ديكور رائع